கீர்த்தனை 287 - ஓய்வு நாள் இது
ஓய்வுநாள் இது மனமே தேவனின்
உரையைத் தியானம் செய் கவனமே
நேய தந்தையர் சேயர்க் குதவிய
நெறி இச்சுவிசேஷ வசனமே
1. ஜீவ சுகபுத்ர செல்வம் தந்தவர்
சேவடி உனக் கபயமே
மேவி அவர் கிருபாசனத்தின் முன்
வேண்டிக் கொள் இது சமயமே
2. ஆறு நாளுனக்களித்தவர்
இளைப்பாறி ஏழினில் களித்தவர்
கூறும் பூரண ஆசீர்வாதத்தை
குறித்துனை இதற்கழைக்கிறார்
3. கர்த்தர் ஆசனம் குறுகிக் கேள் இன்று
காலை நண்பகல் மாலையும்
சுத்தம் நாடுவோர் யாவரும் வந்து
துதி செய்யும் இத் தேவாலயம்
*****************************************************************
