கீர்த்தனை 433 - ஆண்டவர் உன்னை ஆசீர்வதித்து

 கீர்த்தனை 433 - ஆண்டவர் உன்னை ஆசீர்வதித்து

ஆண்டவர் உன்னை ஆசீர்வதித்து

அன்பின் சிறகில் காப்பாராக

ஆண்டவர் முகமுனில் ஒளிரச் செய்து

அமைதியருளி ஆள்வாராக

1. ஆபிராம் போன்றே அனைவருக்கும்

ஆசீர்வாதமாய் அமைந்திடுவாய்

ஆபிராம் போன்றே அனைவருக்கும்

ஆசீர்வாதமாய் அமைந்திடுவாய்

மாபிரதானம் மாண்புறுதானம்

மாநில மீதில் நீ சமாதானம்

ஆண்டவர் உன்னை ஆசீர்வதித்து

அன்பின் சிறகில் காப்பாராக

ஆண்டவர் முகமுனில் ஒளிரச் செய்து

அமைதியருளி ஆள்வாராக

2.  'ஆசி பொழியேல் அகலவிடேன்'

ஆவலின் ஏங்கல் அருள்வேண்டல்

'ஆசி பொழியேல் அகலவிடேன்'

ஆவலின் ஏங்கல் அருள்வேண்டல்

ஆசியடைந்த யாக்கோபு மீண்டும்

அன்பாய் ஏசாவுடன் இணையச் செய்த

ஆண்டவர் உன்னை ஆசீர்வதித்து

அன்பின் சிறகில் காப்பாராக

ஆண்டவர் முகமுனில் ஒளிரச் செய்து

அமைதியருளி ஆள்வாராக

3.  பெண்களுள் மரியாள் ஆசி பெற்றாள்

பெண்குல மேன்மை அவள் ஈந்தாள்

பெண்களுள் மரியாள் ஆசி பெற்றாள்

பெண்குல மேன்மை அவள் ஈந்தாள்

எண்ணரும் பாடு இன்னல்கள் நேர்ந்தும்

எண்ணியே இறையுளம் இசைந்தது போல்

ஆண்டவர் உன்னை ஆசீர்வதித்து

அன்பின் சிறகில் காப்பாராக

ஆண்டவர் முகமுனில் ஒளிரச் செய்து

அமைதியருளி ஆள்வாராக

4. 'இந்தச் சிறியோர்க் கெதைத் தரினும்

எனக்கே தருவீர்' எனும் இயேசு

'இந்தச் சிறியோர்க் கெதைத் தரினும்

எனக்கே தருவீர்' எனும் இயேசு

'எந்தையால் ஆசி பெற்றோரே வாரீர்'

என்றதும் வலதிட மகிழ்வேற்பாய்

ஆண்டவர் உன்னை ஆசீர்வதித்து

அன்பின் சிறகில் காப்பாராக

ஆண்டவர் முகமுனில் ஒளிரச் செய்து

அமைதியருளி ஆள்வாராக

கீர்த்தனை 373 - எளியவர்க்கு சொந்தம் இந்த

 கீர்த்தனை 373 - எளியவர்க்கு சொந்தம் இந்த

எளியவர்க்கு சொந்தம் இந்த உலகம் என்று - நம்

இயேசு சொன்ன நல்ல காலம் வருமோ? என்று

ஒளியிழந்து விளங்குதவர் வாழ்வு இன்று - அவர்

உலகை என்று ஆள்வதோ தலை நிமிர்ந்து நின்று

1.  இறைவனது இல்லமன்றோ இந்த உலகம் - அதில்

எல்லோர்க்கும் உரிமையுடன் உண்டு இடம்

அறைகளிலே கதவுகளோ எதுவுமில்லை - இங்கு

அன்புடனே வாழ்ந்திருந்தால் மறையும் தொல்லை

2.         உள்ளமெனும் சோலையிலே அன்பு மலர்ந்தால் இந்த

உலகத்திலே சம உரிமை மணம் கமழும்

வெள்ளமென இறை அன்பு வழிந்தோடினால் - இங்கு

வறியவர்கள் வாழ்வினிலே வலிமை வரும்

3.         தனி மனிதன் திருந்தி விட்டால் போதாது - இந்த

தாரணியே முழுத்திருப்பம் பெற வேண்டும்

இனிமேலே வரும் என்று இருந்திடாதே - இன்றே

எளியவர்கள் உணர்வூக்கம் பெற வேண்டும்

கீர்த்தனை 018 - சருவ வலிமை கிருபைகள்

 கீர்த்தனை 018 - சருவ வலிமை கிருபைகள்

1. சருவ வலிமை கிருபைகள் மிகுந்த சருவேசா

தரிசனம் பெற உன் சன்னிதி புகுந்தேன் திருவாசா

தரிசனம் பெற உன் சன்னிதி புகுந்தேன் திருவாசா

2. தூய சிந்தை உண்மையில் உனையே தொழுதேத்த

தூய ஆவி கொண்டெனை நிரப்பும் ஜெகதீசா

தூய ஆவி கொண்டெனை நிரப்பும் ஜெகதீசா

3. இருதயத்தைச் சிதற விடாமல் ஒரு நேராய்

இசைத்தமைத்துப் பரவசமாக்கும் நசரேயா

இசைத்தமைத்துப் பரவசமாக்கும் நசரேயா

4. அருளின் வாக்கைக் கருத்துடன் கேட்டு அகத்தேற்று

அறுபது நூறு மடங்காய்ப் பெருக அருளீசா

அறுபது நூறு மடங்காய்ப் பெருக அருளீசா

சருவ வலிமை கிருபைகள் மிகுந்த சருவேசா

தரிசனம் பெற உன் சன்னிதி புகுந்தேன் திருவாசா

கீர்த்தனை 186 - பக்தியாய் ஜெபம் பண்ணவே

 கீர்த்தனை 186 - பக்தியாய் ஜெபம் பண்ணவே

1. பக்தியாய் ஜெபம் பண்ணவே

சுத்தமாய்த் தெரியாதய்யா

புத்தியோடுமைப் போற்ற நல்

சித்தம் ஈந்திடும் யேசுவே

பக்தியாய் ஜெபம் பண்ணவே

சுத்தமாய்த் தெரியாதய்யா

2. பாவ பாதையை விட்டு நான்

ஜீவ பாதையில் சேர நல்

ஆவி தந்தெனை ஆட்கொள்ளும்

தேவ தேவ குமாரனே

பக்தியாய் ஜெபம் பண்ணவே

சுத்தமாய்த் தெரியாதய்யா

3. பொய்யும் வஞ்சமும் போக்கியே

மெய்யும் அன்பும் விடாமல் யான்

தெய்வமே உனைச் சேவித்திங்கு

உய்யும் நல்வரம் உதவுவாய்

பக்தியாய் ஜெபம் பண்ணவே

சுத்தமாய்த் தெரியாதய்யா

4. அப்பனே உனதன்பினுக்

கெப்படிப் பதில் ஈட்டுவேன்?

செப்பும் என்னிதயத்தையே

ஒப்படைத்தனன் உன்னதே

பக்தியாய் ஜெபம் பண்ணவே

சுத்தமாய்த் தெரியாதய்யா

5. சிறுவன் நானுனை செவ்வையாய்

அறியவும் முழு அன்பினால்

நிறையுமுள்ள நிலைக்கவும்

இறைவனே வரம் ஈகுவாய்

பக்தியாய் ஜெபம் பண்ணவே

சுத்தமாய்த் தெரியாதய்யா

6. அண்ணலே உனதாலயம்

நண்ணி நல்லுணர்வோடு உனை

எண்ணியெண்ணி இறைஞ்ச உன்

கண்ணில் இன்னருள் காட்டுவாய்

பக்தியாய் ஜெபம் பண்ணவே

சுத்தமாய்த் தெரியாதய்யா

புத்தியோடுமைப் போற்ற நல்

சித்தம் ஈந்திடும் யேசுவே

கீர்த்தனை 101 - வரவேணும் பரனாவியே

 கீர்த்தனை 101 - வரவேணும் பரனாவியே

வரவேணும் பரனாவியே

இலங்கும் சுடராய் மேவியே

மருளாம் (மயக்கும்) பாவம் மருவிய (தழுவிய) எனக்கு

வானாக்கினியால் ஞான தீட்சை தர

1. பலமான எப்பாவமும் பாழாக்கும் மா நோய்களும்

வலிய கொடும் ரோகமும் (வியாதியும்) மாம்ச சிந்தை ஓடுமே

பலிபீடத்தில் என்னைப் பலியாக வைத்தேன்

எலியாவின் ஜெபத்துக் கிரங்கியவண்ணம்

வரவேணும் பரனாவியே

இலங்கும் சுடராய் மேவியே

2. எந்தன் பவம் யாவையும் எரிக்கும் வகை தேடியும்

எங்கும் இந்த லோகத்தில் எத்தீயுமே காண்கிலேன்

எந்தன் செயலால் யாதொன்றும் முடியா

தின்றே வானாக்கினி வர வேணும்

வரவேணும் பரனாவியே

இலங்கும் சுடராய் மேவியே

3. குடிகொள் எந்தப் பாவமும் அடியோடே தொலைத்திடும்

தடுத்தாட்கொள்ளும் தோஷமும் சாம்பலாக செய்திடும்

படிமிசை (பூமியின் மேல்) காற்றுக்குப் பறந்தோடும் சாம்பல்போல்

அடியேன் ஏசுவுக்கனுதினம் பணி செய்ய

வரவேணும் பரனாவியே

இலங்கும் சுடராய் மேவியே

கீர்த்தனை 396 - புது வாழ்வு நமக்குப் புதுவாழ்வு

 கீர்த்தனை 396 - புது வாழ்வு நமக்குப் புதுவாழ்வு

புது வாழ்வு நமக்குப் புதுவாழ்வு – இது

பெருவாழ்வு கிறிஸ்து தரும்வாழ்வு

 

1.  பிறந்தவர் இறப்பது பொது மரபு – இங்கு

இறந்தவர் எழுவதோ புதுச்சிறப்பு

இறைவனின் திருமகன் உயிர்த்தெழுந்தார் – கொடும்

மரணத்தின் பிடியினைத் தகர்த்தெறிந்தார்!

 

2.  கல்லறை உலகினில் பல உண்டு – அவை

சொல்லிடும் கதைகளில் கனிவுண்டு

வல்லவர் இயேசுவின் கல்லறையோ – அவர்

இல்லையே என்னிடம் என்றிடுதே!

 

3.  இயேசுவின் உயிர்த்தெழல் பெருநிகழ்ச்சி – அவர்

நேசரின் வாழ்விலும் வரும் நிகழ்ச்சி

நாசமோ மோசமோ நமக்கில்லை – விசு

வாசிகள் தமக்கு இறப்பில்லை.

கீர்த்தனை 427 - பயணிகள் பாதையில்

 கீர்த்தனை 427 - பயணிகள் பாதையில்

பயணிகள் பாதையில் பலம் தரும் விருந்து

பரமனின் திருவுளம் பார்த்திடும் விருந்து

 

1. படைப்பதின் அழகு படைத்தவர் பரிவு

பணிந்துமே நன்றிப் படைத்திடும் விருந்து

அடிமைகள் உடன் வந்து விடுதலை அருளும்

ஆண்டவர் அருள் நினைவாகிடும் விருந்து

 

2. இறைவனின் அரசதின் முன்சுவை இங்கு

இயேசுவின் அடியவர் இணைவதில் தங்கும்

குறைகளை மறக்கும் குருவருள் பலிக்கும்

குறையிலா முழுமைக்கு வாழ்வது பிறக்கும்

 

3. ஈவதும் ஏற்பதும் விருந்ததில் பொதுமை

இறைவனே தனை இதில் ஈவது புதுமை

ஈவதால் என்றும் மறைவது வெறுமை

சாவிலே வாழ்வது மலர்வதே இனிமை

 கீர்த்தனை 241 - சரணம் சரணம் சரணம் எனக்குன்

சரணம் சரணம் சரணம் எனக்குன்

தயை புரியும் என் பரனே

மரணத்தின் பெலன் அழித்துயிர்த்த என் 

மன்னா ஓசன்னா!

சரணம் சரணம் சரணம் எனக்குன்

தயை புரியும் என் பரனே

1. தரணிதனில் வந்தவதரித்த 

தற்பரனே எனக்காக - வலு 

மரணம் அடைந்தும் உயிர்த்தெழுந்ததென்

மகிமை நித்திய பெருமை

2. சுரர்கள் போற்றும் பரனே உனக்குத்

துரோகியான எனக்கு - நீயே

இரவு பகல் என் குறைவு நீக்க 

உண்டேது நலம் என்மீது 

3. தப்பின ஆடதற்கொத்த அடியேனைத்

தானே வந்து தேட - உனக்

கெப்படிச் சித்தம் உண்டானதிவ் வற்பனுக்

கற்புதமாம் முடி சூட!

4. எவ்வித நன்மைக்கும் காரணனே உனை

ஏழை அடியேனே - பற்றி

இவ்வுலகத்தில் எவ்வேளையும் போற்றவே

இரங்காய் எனக்கிரங்காய்! 

****************************************************

கீர்த்தனை 170 - என் உள்ளம் கவரும்

 கீர்த்தனை 170 - என் உள்ளம் கவரும்

என் உள்ளம் கவரும் நீர் மரித்த

இன்பக் குருசண்டை இன்னும் நெருங்கிட

என் பாவம் போக்கவே ஈட்டியால் குத்துண்டு

ரத்தம் தண்ணீர் வழிந்தோடும் விலாவண்டை

என் உள்ளம் கவரும்

1. உந்தன் மகா இன்ப சத்தம் நான் கேட்டவன்

உமதாச்சரிய அன்பை உணர்ந்தவன்

எந்தையே நானும்மைச் சேர்ந்தவனாயினும்

இன்னும் நெருங்கி நான் உம்மண்டை சேர்ந்திட

என் உள்ளம் கவரும்

2. சுத்தக் கிருபையின் வல்லமையால் என்னை

முத்திரியும் உமக்கூழியம் செய்திட

அத்தனே உம்மில் நல் நம்பிக்கையாய் உந்தன்

சித்தமே என் சித்தமாகப் பிழைத்திட

என் உள்ளம் கவரும்

3.  உந்தனடிதனில் உறைந்து தனித்து

ஓர் மணி நேரம் கழிப்பதே பாக்கியம்

என் தேவனே அதி நேசமாய் உம்முடன்

இன்ப சம்பாஷணை செய்வதே ஆனந்தம்

என் உள்ளம் கவரும்

4.  அம்பரா மரண ஆழி தாண்டும் வரை

அறிய முடியா அன்பின் ஆழம் உண்டு

என் பரனே உந்தன் அன்பின் ஆழத்தை நான்

இம்மையில் கூடியமட்டும் அறிந்திட

என் உள்ளம் கவரும் நீர் மரித்த

இன்பக் குருசண்டை இன்னும் நெருங்கிட

என் உள்ளம் கவரும்

கீர்த்தனை 059 - ஆமென் அல்லேலூயா

 கீர்த்தனை 059 - ஆமென் அல்லேலூயா

ஆமென் அல்லேலூயா! 
மகத்துவத்தம்பராபரா
ஆமென் அல்லேலூயா! 
ஜெயம்! ஜெயம்! அனந்த தோத்திரா

ஓம் அனாதி தந்தார் வந்தார் இறந்
துயிர்த்தெழுந்தாரே உன்னதமே! 
ஆமென் அல்லேலூயா! 

ஜெயம்! ஜெயம்! அனந்த தோத்திரா

1. வெற்றி கொண்டார்ப்பரித்து – கொடும்வே
தாளத்தை சங்கரித்து – முறித்து
பத்ராசனக்கிறிஸ்து – மரித்து
பாடுபட்டுத் தரித்து முடித்தார்

ஆமென் அல்லேலூயா! 
மகத்துவத்தம்பராபரா
ஆமென் அல்லேலூயா! 
ஜெயம்! ஜெயம்! அனந்த தோத்திரா

2. சாவின் கூர் ஒடிந்து – மடிந்து
தடுப்புச் சுவர் இடிந்து – விழுந்து
ஜீவனே விடிந்து – தேவாலயத்
திரை ரண்டாய்க் கிழிந்து ஒழிந்தது

ஆமென் அல்லேலூயா! 
மகத்துவத்தம்பராபரா
ஆமென் அல்லேலூயா! 
ஜெயம்! ஜெயம்! அனந்த தோத்திரா

3. வேதம் நிறைவேற்றி – மெய் தோற்றி
மீட்டுக் கரையேற்றி – பொய் மாற்றி
பாவிகளைத் தேற்றி – கொண்டாற்றி
பத்ராசனத் தேற்றி வாழ்வித்தார்

ஆமென் அல்லேலூயா! 
மகத்துவத்தம்பராபரா
ஆமென் அல்லேலூயா! 
ஜெயம்! ஜெயம்! அனந்த தோத்திரா
***************************

கீர்த்தனை 287 - ஓய்வு நாள் இது

கீர்த்தனை 287 - ஓய்வு நாள் இது

ஓய்வுநாள் இது மனமே தேவனின்
உரையைத் தியானம் செய் கவனமே

நேய தந்தையர் சேயர்க் குதவிய
நெறி இச்சுவிசேஷ வசனமே

 

1.       ஜீவ சுகபுத்ர செல்வம் தந்தவர்
சேவடி உனக் கபயமே
மேவி அவர் கிருபாசனத்தின் முன்
வேண்டிக் கொள் இது சமயமே

 

2.       ஆறு நாளுனக்களித்தவர்

இளைப்பாறி ஏழினில் களித்தவர்
கூறும் பூரண ஆசீர்வாதத்தை
குறித்துனை இதற்கழைக்கிறார்

 

3.       கர்த்தர் ஆசனம் குறுகிக் கேள் இன்று
காலை நண்பகல் மாலையும்
சுத்தம் நாடுவோர் யாவரும் வந்து
துதி செய்யும் இத் தேவாலயம்

 

*****************************************************************

கீர்த்தனை 252 - ஐயனே இவர்க்காசி

 கீர்த்தனை 252 - ஐயனே இவர்க்காசி

ஐயனே! இவர்க்காசி ஈகுவாய்

மெய்யாய் உனை சார – என்றும்

பொய்யாமிவ் வுலகாசையை விட்டு

மெய்யாய் உனை சார – என்றும்

1. பாவமும் ஜெகஜாலமும் விட்டுப்

பனுவலுரைப்படியே (வேத உரை) - வெகு

ஆவலாயுனது அருளினாலுயிர்

அடையக் கதியடைய – என்றும்

ஐயனே! இவர்க்காசி ஈகுவாய்

மெய்யாய் உனை சார – என்றும்

2. நற்றுதி செய்யும் பக்தராய் உந்தன்

பொற்றாளிணை போற்றி! – ஓங்கு

சற்குணமும் மெய்வாழ்வுமே பெற்று

சான்றோர் நெறி சார – என்றும்

ஐயனே! இவர்க்காசி ஈகுவாய்

மெய்யாய் உனை சார – என்றும்

3. இன்று தொட்டு இவர் என்றுமே உனை

சென்றே எங்கும் கூறி – பயன்

நன்றி பெற்று உயர் வென்றியுற்று இனி

ஒன்றி உயர்ந்தோங்க – என்றும்

ஐயனே! இவர்க்காசி ஈகுவாய்

மெய்யாய் உனை சார – என்றும்

4. அன்று சீடராய்ப் பன்னிருவரை

அழைத்தாய் தயை விளைத்தாய் - இவர்

என்றும் சபையில் ஒன்றிவைகிட (இணைந்திருக்க)

நின்றுன் கிருபை ஈவாய் – என்றும்

ஐயனே! இவர்க்காசி ஈகுவாய்

மெய்யாய் உனை சார – என்றும்

பொய்யாமிவ் வுலகாசையை விட்டு

மெய்யாய் உனை சார – என்றும்

****************************

கீர்த்தனை 441 - பாவம் என்னைத் தொடர்ந்தாலும்

 கீர்த்தனை 441 - பாவம் என்னைத் தொடர்ந்தாலும்

பாவம் என்னைத் தொடர்ந்தாலும்

இயேசு தேவா உம்மை மறவேனே

 

1. செய் பாவம் நினைத்து நான் அழுகின்றேன் – அதை
செய்யாமல் இருந்திட பலமுமில்லை
மெய்யாக உம் துணை வேண்டுமய்யா – எந்தன்
அய்யா நின் பிள்ளை நானல்லவா

 

பாவம் என்னைத் தொடர்ந்தாலும்

இயேசு தேவா உம்மை மறவேனே

 

2. உள்ளத்தில் நல்லலெண்ணம் பல உண்டு – ஆனால்
வெள்ளத்தில் அடிபட்டுச் செல்லுகின்றேன்
உள்ளதை உம்மிடம் சொல்லிவிட்டேன் – எந்தன்
உடலையே உமக்கெனத் தந்துவிட்டேன்

 

பாவம் என்னைத் தொடர்ந்தாலும்

இயேசு தேவா உம்மை மறவேனே

 

3. மன்னவா உம்மிடம் ஓடி வந்தேன் – பாவ
மன்னிப்பு உண்டென நம்பி வந்தேன்
மன்னிப்பு வழங்கினால் போதாது – என்னை
மாற்றாமல் போய்விடில் வாழ்வேது

 

பாவம் என்னைத் தொடர்ந்தாலும்

இயேசு தேவா உம்மை மறவேனே

 

கீர்த்தனை 084 - யேசு நசரையினதிபதியே

 கீர்த்தனை 084 - யேசு நசரையினதிபதியே

யேசு நசரையினதிபதியே 

பவநரர் பிணையென வரும்

யேசு நசரையினதிபதியே 

.

தேசுறு பரதல வாசப் பிரகாசனே

ஜீவனே அமரர் பாவனே மகத்துவ

யேசு நசரையினதிபதியே 

1. இந்த உலகு சுவை தந்து போராடுதே

எனதுடலும் அதுவோடிசைந்து சீராடுதே

தந்த்ர அலகை சூழ நின்று வாதாடுதே

சாமி பாவியகம் நோயினில் வாடுதே 

யேசு நசரையினதிபதியே 

பவநரர் பிணையென வரும்

யேசு நசரையினதிபதியே 

2. நின் சுய பெலனல்லால் என் பெலன் ஏது

நினைவு செயல் வசனம் முழுதும் பொல்லாது

தஞ்சம் உனை அடைந்தேன் தவற விடாது

தாங்கி ஆள் கருணை ஓங்கி எப்போதும்

யேசு நசரையினதிபதியே 

பவநரர் பிணையென வரும்

யேசு நசரையினதிபதியே 

3. கிருபையுடன் என் இருதயந்தனில் வாரும்

கேடுபாடுகள் யாவையும் தீரும்

பொறுமை நம்பிக்கை அன்பு போதவே தாரும்

பொன்னுலகமதில் என்னையும் சேரும்

யேசு நசரையினதிபதியே 

பவநரர் பிணையென வரும்

யேசு நசரையினதிபதியே 

************************************

கீர்த்தனை 192 - அருமையுற நீ இறங்கி

 கீர்த்தனை 192 - அருமையுற நீ இறங்கி 

1. அருமையுற நீ இறங்கி அடியனுள மீது தங்க

அணுவளவிலாது பங்கம் அகன்றோடும்

அருளொளி அன்பேயுறைந்து அதிகவுயர்வாய் வளர்ந்து

அகமுழுதுமே நிறைந்து  வழிந்தோடும்

அருமையுற நீ இறங்கி அடியனுள மீது தங்க

அணுவளவிலாது பங்கம் அகன்றோடும்

2.  திருவரசுன் சீர்குணங்கள் இனிய திருவாசகங்கள்

திவிய வரமாக வந்து எனதாகும்

தினமுமெழிலாயிலங்கி எனதகமுமே கனிந்து

சிறுமை செயும் 'நான்' மறைந்து பறந்தோடி

அருமையுற நீ இறங்கி அடியனுள மீது தங்க

அணுவளவிலாது பங்கம் அகன்றோடும்

3. மருவு கிறிஸ்தேசுன் அன்பும் அமருமழகான இன்பும்

மலர்முக சந்தோஷ பண்பும் சுடரான

மகிமையும் நின்னோடு வந்து எனதிதயமே நிரந்து

வளமை வரவே விளைந்து நிலையாக

அருமையுற நீ இறங்கி அடியனுள மீது தங்க

அணுவளவிலாது பங்கம் அகன்றோடும்

4. உரிமையுடனே உவந்து மனமதியெல்லாம் கவர்ந்து

உனதடிமையாய்ப் பரிந்து எனையாளாய்

உனத சுனையாய் சுரந்து அடியருளமே விரிந்து

உதவு நதியாக வந்த பெருமானே

அருமையுற நீ இறங்கி அடியனுள மீது தங்க

அணுவளவிலாது பங்கம் அகன்றோடும்

**********************************************