கீர்த்தனை 065 - சாலேமின் ராஜா

 கீர்த்தனை 065 - சாலேமின் ராஜா

சாலேமின் ராஜா சங்கையின் ராஜா

ஸ்வாமி வாருமேன் 

ஸ்வாமி வாருமேன் – இந்தத்

தாரணி மீதினில் ஆளுகை செய்திட

சடுதி வாருமேன்

1. சீக்கிரம் வருவோமென்றுரைத்துப்போன

செல்வக் குமாரனே - இந்த

சீர்மிகும் மாந்தர்கள் தேடித் திரிகின்ற

செய்தி கேளீரோ?

2. எட்டி எட்டி உம்மை அண்ணாந்து பார்த்துக்

கண் பூத்துப் போகுதே - நீர்

சுட்டிக் காட்டிப் போன வாக்குத்தத்தம்

நிறைவேறலாகுதே

3. நங்கை எருசலேம் பட்டினம் உம்மை

நாடித் தேடுதே – இந்த

நானிலத்திலுள்ள ஜீவ பிராணிகள்

தேடிவாடுதே

4. சாட்சியாக சுபவிசேஷம்

தாரணிமேவுதே – உந்தன்

சாட்சிகளுடைய ரத்தங்களெல்லாம்

தாவிக்கூவுதே

********************************************************

கீர்த்தனை 266 - ஆத்துமா கர்த்தரைத் துதிக்கின்றதே

 கீர்த்தனை 266 - ஆத்துமா கர்த்தரைத் துதிக்கின்றதே

ஆத்துமா கர்த்தரைத் துதிக்கின்றதே எந்தன்

ஆவியும் அவரில் களிக்கின்றதே – இதோ!

நேர்த்தியாய்ப் பாடுவேன் நிதங்கனிந்தே

எந்தன் பார்த்திபனுட பதம் தினம்பணிந்தே – இதோ!

ஆத்துமா கர்த்தரைத் துதிக்கின்றதே எந்தன்

ஆவியும் அவரில் களிக்கின்றதே.

1. அடிமையின் தாழ்மையைப் பார்த்தாரே – என்னை

அனைவரும் பாக்கிய ளென்பாரே

முடிவில்லா மகிமை செய்தாரே – பல

முடையவர் பரிசுத்தர் என்பாரே – இதோ! 

ஆத்துமா கர்த்தரைத் துதிக்கின்றதே எந்தன்

ஆவியும் அவரில் களிக்கின்றதே.

2. பயப்படும் பக்தருக் கிரங்குகிறார் – நரர்

பார்த்திட பெருஞ்செயல் புரிகின்றார்

உயர்த்திடு நரர்களை சிதறடிப்பார் – தன்னை

உகந்தவர் தாழ்ந்திடில் உயர்த்துகின்றார் – இதோ! 

ஆத்துமா கர்த்தரைத் துதிக்கின்றதே எந்தன்

ஆவியும் அவரில் களிக்கின்றதே.

3. முற்பிதாக்களுக்கவர் சொன்னதுபோல் – அந்த

முனியாபி ராமுட ஜனமதன்பால்

நட்புடன் நினை வொடு நல்லிசரேல் – அவன்

நலம்பெற ஆதரித் தார் மறவேல் – இதோ! 

ஆத்துமா கர்த்தரைத் துதிக்கின்றதே எந்தன்

ஆவியும் அவரில் களிக்கின்றதே.

கீர்த்தனை 352 - மனம் இசைந்து அனைவரும்

கீர்த்தனை 352 - மனம் இசைந்து அனைவரும்

மனம் இசைந்து அனைவரும் உடன்பிறப்பாய்

தினம் வாழ்வது சிறப்பானது!

நன்மையானது இன்பமானது

மண்வாழ்வினில் பேரழகு!

மனம் இசைந்து அனைவரும் உடன்பிறப்பாய்

தினம் வாழ்வது சிறப்பானது!

1. அது - ஆரோனின் தலைமீது பொழிந்து

அவனது தாடியில் வழிந்து

அங்கியில் குழைந்து தொங்கலில் இழைந்து

கீழ் வடிந்திடும் பரிமளம் போன்றது!

2. அது - எர்மோனின் மலையதன் மேலும்

சீயோனின் சிகரங்கள் மீதும்

மெல்லெனக் கவிந்து சில்லெனக் குவிந்து

தினம் படர்ந்திடும் பனியினைப் போன்றது!

3. இன்று - இனம்மொழி பொருள்நிலை கொண்டு

எத்தனை பிரிவுகள் உண்டு?

அன்பினில் பகிர்ந்து இன்பமாய் இணைந்து

ஒன்றாய் இணைந்து வாழ்வதே அருளரசு! 

*******************************************************************